BAUER yüksək təzyiqli kompressorları: hansı sahələr üçün uyğundur?
Sənaye, enerji, neft-qaz, dənizçilik və təhlükəsizlik kimi bir çox sahədə standart sıxılmış hava sistemlərinin təmin etdiyi təzyiq kifayət etmir. Belə tətbiqlərdə daha yüksək təzyiq, etibarlı işləmə və tələb olunan hava və ya qaz keyfiyyətini təmin edən xüsusi kompressor sistemlərinə ehtiyac yaranır.
BAUER KOMPRESSOREN yüksək təzyiqli hava və qaz kompressorlarının istehsalı üzrə ixtisaslaşmış şirkətlərdən biridir. BAUER sistemləri müxtəlif konfiqurasiyalarda hava, azot, helium, hidrogen və digər qazların sıxılması üçün istifadə olunur.
Bəs BAUER yüksək təzyiqli kompressorları əsasən hansı sahələr üçün uyğundur?
1. Neft və qaz sənayesi
Neft-qaz sektoru yüksək təzyiqli kompressor sistemlərinin geniş tətbiq olunduğu sahələrdəndir. Həm quruda — onshore, həm də dənizdə — offshore həyata keçirilən layihələrdə yüksək təzyiqli hava və qaz müxtəlif proseslər üçün tələb oluna bilər.
BAUER yüksək təzyiqli sistemləri layihədən və tətbiqdən asılı olaraq:
- azotun yüksək təzyiq altında təmin edilməsi;
- BOP (Blowout Preventer) sistemləri;
- seysmik tədqiqat tətbiqləri;
- təzyiq tələb edən xüsusi pnevmatik sistemlər;
- offshore və gəmi tətbiqləri
üçün istifadə edilə bilər.
Bu sahədə avadanlıq seçilərkən yalnız maksimum təzyiq deyil, istifadə olunan qaz, tələb olunan məhsuldarlıq, iş şəraiti və təhlükəsizlik tələbləri də nəzərə alınmalıdır.
2. Yanğınsöndürmə və xilasetmə xidmətləri
Yanğınsöndürənlərin istifadə etdiyi nəfəs aparatlarında balonların təhlükəsiz və keyfiyyətli nəfəs havası ilə doldurulması xüsusi avadanlıq tələb edir.
BAUER-in Breathing Air həlləri yanğınsöndürmə və xilasetmə xidmətlərində yüksək təzyiqli nəfəs havasının hazırlanması və balonların doldurulması üçün istifadə olunur.
Bu sistemlərdə əsas məsələ sadəcə havanı sıxmaq deyil. Nəfəs üçün nəzərdə tutulan havanın tələb olunan keyfiyyət standartlarına uyğun hazırlanması da vacibdir. Buna görə filtrasiya və hava təmizləmə sistemi ümumi həllin mühüm hissəsidir.
3. Dalğıc və dənizçilik
Dalğıc əməliyyatlarında istifadə edilən nəfəs havasının keyfiyyəti və kompressor sisteminin etibarlılığı birbaşa təhlükəsizliklə əlaqəlidir.
BAUER yüksək təzyiqli nəfəs havası kompressorları:
- peşəkar dalğıc əməliyyatlarında;
- dalğıc mərkəzlərində;
- dəniz və offshore əməliyyatlarında;
- dalğıc balonlarının doldurulmasında
istifadə edilə bilər.
Tətbiqdən asılı olaraq mobil və ya stasionar kompressor həllərinin seçilməsi mümkündür.
4. Sənaye müəssisələri
Yüksək təzyiqli hava yalnız xüsusi sektorlarla məhdudlaşmır. Müxtəlif istehsal və sənaye proseslərində standart zavod hava xəttindən daha yüksək təzyiq tələb oluna bilər.
Belə hallarda yüksək təzyiqli kompressor və ya booster sistemləri tətbiq edilir.
BAUER sistemləri maşınqayırma, istehsalat, komponentlərin sınaqdan keçirilməsi və digər xüsusi sənaye proseslərində istifadə oluna bilər.
Burada düzgün avadanlığın müəyyənləşdirilməsi üçün tələb olunan iş təzyiqi, hava və ya qaz sərfi, giriş təzyiqi və iş rejimi əvvəlcədən hesablanmalıdır.
5. Azot tətbiqləri
Azot neft-qaz, kimya, sənaye və digər sahələrdə geniş istifadə olunan qazlardan biridir. Bəzi proseslərdə azotun yüksək təzyiqə qədər sıxılması tələb olunur.
BAUER-in uyğun kompressor və booster sistemləri azotun tələb olunan təzyiq səviyyəsinə çatdırılması üçün istifadə edilə bilər.
Xüsusilə mövcud azot mənbəyinin təzyiqinin proses üçün kifayət etmədiyi hallarda booster sistemi qazın daha yüksək çıxış təzyiqinə çatdırılmasına imkan verir.
6. Hidrogen tətbiqləri
Enerji sektorunda hidrogen texnologiyalarının inkişafı yüksək təzyiqli qaz kompressorlarına olan tələbi də artırır.
Hidrogenin xüsusiyyətləri səbəbindən onun sıxılması üçün uyğun konstruksiya və təhlükəsizlik tələblərinə cavab verən xüsusi sistemlər tələb olunur.
BAUER portfelində hidrogenin sıxılması üçün nəzərdə tutulmuş yüksək təzyiqli həllər də mövcuddur. Bu sistemlər hidrogen infrastrukturu, enerji və müxtəlif sənaye tətbiqlərində istifadə oluna bilər.
7. Helium və digər xüsusi qazlar
Bəzi sənaye və texnoloji proseslərdə helium, heliox və digər qazların yüksək təzyiq altında sıxılması tələb edilir.
Bu zaman adi hava kompressorundan istifadə etmək düzgün yanaşma olmaya bilər. Kompressorun konstruksiyası və komponentləri sıxılacaq qazın xüsusiyyətlərinə uyğun olmalıdır.
BAUER müxtəlif qaz tətbiqləri üçün uyğunlaşdırılmış kompressor və booster həlləri təqdim edir.
8. CNG və qaz doldurma sistemləri
Təbii qazın nəqliyyat vasitələrində yanacaq kimi istifadəsi zamanı qazın yüksək təzyiq altında saxlanılması tələb olunur.
BAUER-in qaz kompressor sistemləri CNG və fuel-gas tətbiqlərində qazın sıxılması və yüksək təzyiqli saxlama sistemlərinə ötürülməsi üçün istifadə edilə bilər.
Belə layihələrdə kompressorla yanaşı saxlama, idarəetmə və qaz paylama infrastrukturu da ümumi sistemin bir hissəsi kimi qiymətləndirilməlidir.
BAUER yüksək təzyiqli kompressorlarının əsas üstünlüyü nədir?
Yüksək təzyiqli kompressor seçərkən yalnız “neçə bar verir?” sualına baxmaq kifayət deyil.
Düzgün sistem seçimi zamanı aşağıdakı göstəricilər birlikdə qiymətləndirilməlidir:
- tələb olunan iş və maksimum təzyiqi;
- məhsuldarlıq;
- sıxılacaq hava və ya qazın növü;
- giriş təzyiqi;
- hava və ya qazın tələb olunan keyfiyyəti;
- gündəlik iş müddəti;
- ətraf mühit və iş şəraiti;
- servis və texniki qulluq tələbləri.
BAUER-in geniş məhsul portfeli müxtəlif tətbiqlər üçün kompressor, booster, hava və qaz təmizləmə, saxlama və paylama komponentlərinin vahid sistem daxilində seçilməsinə imkan verir.
Hansı BAUER kompressoru sizin tətbiqiniz üçün uyğundur?
Eyni yüksək təzyiqli kompressor hər layihə üçün uyğun olmaya bilər. Məsələn, nəfəs havası üçün nəzərdə tutulan sistemlə sənayedə azotun sıxılması üçün tələb olunan sistemin texniki tələbləri fərqlidir.
Buna görə avadanlıq seçməzdən əvvəl qazın növü, tələb olunan giriş və çıxış təzyiqi, məhsuldarlıq və istifadə sahəsidəqiq müəyyən edilməlidir.
Atlas mütəxəssisləri layihənin texniki tələblərinə uyğun BAUER yüksək təzyiqli kompressor və sistem həllərinin seçilməsi ilə bağlı sizə dəstək göstərə bilər.
Ətraflı məlumat və uyğun avadanlığın seçilməsi üçün bizimlə əlaqə saxlayın.
Atlas Group — Bauer-in Azərbaycandakı rəsmi ditribüteri
