Gənc mütəxəssislərin inkişafına töhfə veririk
Atlas Group-un dəstəyi ilə keçirilən “GeoCamp” Tələbə Yay Düşərgəsi çərçivəsində təşkil olunan təlim sessiyalarından birində şirkətimizin həmtəsisçisi Nəsir Abdullayev iştirakçılarla görüşüb.
Görüş zamanı Nəsir Abdullayev Atlas Group-un sənaye və dağ-mədən sahəsində uzun illər ərzində formalaşdırdığı təcrübədən danışıb, həmçinin şirkətin Azərbaycanda rəsmi təmsil etdiyi Epiroc və Atlas Copco brendlərinin dağ-mədən qurğuları, avadanlıqları və kompressor həlləri haqqında iştirakçılara ümumi məlumat verib. Təlimdə müasir avadanlıqların texnoloji və innovativ üstünlükləri, onların dağ-mədən sənayesində tətbiqi və müasir texnologiyaların sahənin inkişafındakı rolu barədə fikirlər bölüşülüb.
Atlas Group olaraq inanırıq ki, gələcəyin peşəkar mütəxəssislərinin yetişməsində universitetdə əldə edilən nəzəri biliklərin sənayenin real təcrübəsi ilə tamamlanması mühüm rol oynayır. Bu baxımdan “GeoCamp” kimi layihələri yalnız dəstəkləmək deyil, öz bilik və təcrübəmizi gənclərlə bölüşərək prosesin bir hissəsi olmaq bizim üçün xüsusilə dəyərlidir.
Korporativ sosial məsuliyyət yanaşmamız çərçivəsində bundan sonra da gənclərin peşəkar inkişafına, sənaye ilə daha yaxından tanış olmasına və ölkəmiz üçün güclü mütəxəssis potensialının formalaşmasına töhfə verən təşəbbüsləri dəstəkləməyə davam edəcəyik.
